اسلام آباد۔14اگست (اے پی پی):وزیراعظم محمد شہباز شریف اتوار کوں یوم آزادی دے موقع تے راول چوک فلائی اوور اسلام آباد دا افتتاح کرݙتے۔ایں موقع تےوزیر اعظم کوں منصوبے بارے بریفنگ ݙتی ڳئی ۔وزیراعظم دے رلے سابق ارکان اسمبلی حنیف عباسی،ڈاکٹر طارق فضل چوہدری،ملک ابرار،رکن اسمبلی طاہرہ اورنگزیب،طارق فاطمی،سی ڈی اے،ایف ڈبلیو اتے ٻئے محکمیں دے اعلی حکام وی موجود ہن۔ایں منصوبے توں راولپنڈی،اسلام آباد دے شہری فیدہ چیسن تے ٹریفک دی روانی سوکھی تھیسی ۔وزیراعظم کوں چئیرمین سی ڈی اے ݙسایا جو اورنج لائن بساں دی تعداد آغاز اچ 15 ہئی جیڑھی ہݨ ودھ تے 35 تھی ڳئی اے ۔وزیر اعظم دی ہدایت تے میٹرو بساں دی تعداد اچ 20 بساں دا ودھارا کیتے ۔ہݨ ترائے مزید بس سروس دا وی آغاز کیتا ویندا پئے انہاں اچ ھک سروس ترامڑی توں آبپارہ براستہ پارک روڈ، واہ کینٹ توں این5 اتے کھنہ توں نیلور شامل ہن۔راول روڈ فلائی اوور کوں مکمل کرڳھدے ،ݙورویہ انڈر پاس کوں 20 توں 25 ݙینھ اچ مکمل کریسوں ۔سی ڈی اے رہائشی منصوبیں تے وی تکھے عمل کریندی پئی اے ،بھارہ کہو بائی پاس دی تعمیر دا ستمبر دے پہلے ہفتے ایف ڈبلیو او آغاز کرݙیسی۔
