اسلام آباد ۔11مئی (اے پی پی) وزیراعظم محمد نواز شریف بدھ دی سویل تاجکستان دے ڈو ڈینھ دے سرکاری دورے تے روانہ تھی گئے۔ جتھاںا و بجلی دے منصوبے ”کاسا 1000“ دے افتتاح دی تقریب وچ شرکت کریسن۔ وزیراعظم پاکستان ایہ دورہ تاجکستان دے صدر امام علی رحمانوف دی دعوت تے کریندے پئے ہن ۔وفاقی وزیر پانڑیں تے بجلی اتے دفاع خواجہ محمد آصف، وزیراعظم دے معاون خصوصی خارجہ امور طارق فاطمی اتے سینئر حکام وی وزیراعظم دے کٹھے ہن ۔ شریک ملکاںاتے بئے فریقاں دے ہنماواں دی وی ”کاسا 1000“ دے آغاز دی تقریب وچ شرکت متوقع ہے۔ ”کاسا 1000“ منصوبے دے تحت تاجکستان اتے کرغزستان موسم گرمیاںدے دوران ہک ہزار میگاواٹ بجلی پاکستان کوں اتے 300 میگاواٹ بجلی افغانستان کو ںڈیسی۔ اے منصوبہ 2018ءتئیں پورا تھیونڑ دی توقع ہے۔ منصوبے دے تحت خریدی گئی بجلی نال گرمی دے موسم اچ پاکستان کوں بجلی دی گھٹکی پرے کرنڑ وچ مدد ملسی، ایں عرصے وچ تاجکستان وچ فاضل پن بجلی دستیاب ہوندی ہے اتے ا یہ منصوبہ ساریں سانگے سود مند ثابت تھیسی۔ ”کاسا 1000“ منصوبہ اپنڑی نوعیت دا پہلا منصوبہ ہے جیرھا پاکستان، افغانستان، تاجکستان اتے کرغزستان کوں بجلی دے گرڈ نال منسلک کریسی۔ ایہ منصوبہ علاقائی ہم آہنگی وچ وی معاون ہو سی جیرھا خطے دی اقتصادی تے سماجی ترقی سانگے بہوں اہمیت دا حامل ہے۔ وزیراعظم محمد نواز شریف دورے دے دوران تاجکستان دے صدر نال وی ملاقات کریسن جیندے وچ تجارت، توانائی، دفاعی تعاون سمیت وسیع تر ڈوطرفہ امور تے گالھ مہاڑ تھیسی۔ ڈوہیںرہنما باہمی دلچسپی دے علاقائی اتے عالمی معاملات تے وی خیالیں دا تبادلہ کریسن۔
