اسلام آباد۔21دسمبر(اے پی پی)وزیراعظم دے نمائندہ خصوصی برائے بین المذاہب ہم آہنگی و مشرق وسطی امور اتے پاکستان علماء کونسل دے چیئرمین حافظ محمد طاہر محمود اشرفی آکھیے جو اسلامی تعاون تنظیم وزراء خارجہ کانفرنس دی کامیابی پاکستان اتے پاکستان دی قیادت تے امت مسلمہ سودھا پورے ڄڳ دے اعتماد دی مثال اے، سارے اسلامی ممالک بالخصوص اسلامی تعاون تنظیم دے سربراہ مملکت سعودی عرب دے شکر گزار ہیں، مملکت سعودی عرب ولوں ہک ارب ریال اتے ٻئے ملکاں دا افغانستان کیتے امداد ݙیوݨ نال افغان عوام کوںس وکھ ݙیوݨ اچ ہتھ ونݙیسی۔ کانفرنس دی کامیابی تے وزیر اعظم عمران خان، وزیر خارجہ شاہ محمود قریشی، افواج پاکستان اتے ملک دے سلامتی دے اداریاں کوں مبارک ݙیندے ہیں، پاکستان علماء کونسل اتے ملک دیاں ساریاں مذہبی و سیاسی جماعتاں بلاد اسلامیہ دے ہتھ ونفاوݨ تے مشکور ہین۔ اے ڳالھ انہاں اسلام آباد اچ مختلف مکاتب فکر دے علماء و مشائخ اتے اسلامی ممالک دے سفیراں نال ڳالھ مہار کریندے آکھی۔ انہاں آکھیا جو پاکستان امت مسلمہ دا رہنما ملک ٻݨ تے ابھردا پئے اتے وزیراعظم عمران خان ایں ویلھے مسلم امہ دی امید اتے نویکلے رہنما ہین ڄئیں کشمیر و فلسطین اتے افغانستان دے معاملیاں تے ہمیشہ کھل تے ڳالھ کیتی اے اتے انہاں دا ڳالھ پورا ڄڳ سݨدا ہی نئیں منیدا وی پئے۔
