لاہور۔22مارچ(اے پی پی) چیف جسٹس لاہور ہائیکورٹ جسٹس ملک شہزاد احمد خان لاہور ہائیکورٹ دے7 جج صاحبان کوں مختلف انتظامی ذمہ واریاں تفویض کرݙتن ۔ جاری نوٹیفکیشن موجب چیف جسٹس ملک شہزاد احمد خان کوں کیس مینجمنٹ پلان، ضلعی عدلیہ، ہائیکورٹ اسٹیبلشمنٹ سودھے 11انتظامی اختیارات ݙے ݙتن ۔ جسٹس شجاعت علی خان کوں سپریم کورٹ سانڳے وکلا دے فٹنس سرٹیفکیٹ، ٹرانسپورٹ سودھے اٹھ انتظامی اختیارات ،جسٹس علی باقر نجفی کنے ضلعی عدلیہ دا آڈٹ، سپریم کورٹ سانڳے وکلا دے فٹنس سرٹیفکیٹ سودھے چار انتظامی اختیارات ،جسٹس شاہد بلال حسن کوں لاہور ہائیکورٹ دا آڈٹ، تعمیرات سودھے 4انتظامی اختیارات ݙتے ڳئن ۔ جسٹس مس عالیہ نیلم کوں شعبہ آئی ٹی، اکاؤنٹس سودھے 5 انتظامی اختیارات ݙتے ڳئن جݙاں جو جسٹس عابد عزیز شیخ کنے سکیورٹی، ضلعی انتظامیہ توں آئے توہین عدالت دے کیسز سودھے 8انتظامی اختیارات ہوسن جݙاں جو جسٹس صداقت علی خان ریکارڈ، انتظامی ججز دی مانیٹرنگ سودھے 5انتظامی اختیارات ݙتے ڳئن۔
