اسلام آباد۔12اکتوبر(اے پی پی) پاکستان اچ چین دےسفیر جیانگ زیڈونگ آکھیے جو بی آر آئی دے تحت معاشی اتے دفاعی سکیورٹی چنڳی تھیسی ، پاکستانی عوام کوں معاشی اوکھ ہے مگر اے تھوڑی مدت سانڳے ہے ، پاکستان اچ زراعت تے معدنیات اچ ترقی کیتے وسیع امکانات موجود ہن، اے ڳالھ انہاں بی آ ر آئی سیمینار توں خطاب کریندے ہوئیں آکھی اے ۔ چینی سفیر آکھیے بی آر آئی دے تحت معاشی اتے دفاعی سکیورٹی بہترتھیسی ۔ بی آر آئی ملکاں وچال رابطے چنڳے کرݨ دا منصوبہ اے ۔ پاکستان نال زراعت آئی ٹی سائنس وٹیکنالوجی اتے معدنیات اچ تعاون ودھایا ویسی۔ چینی سفیر آکھیے پاکستان کوں انہاں شعبیں اچ پیداوار ودھاوݨ تے جدت گھن آوݨ سانڳے تعاون کریسوں ۔ سی پیک نال پائیدار ترقی اہم اے ۔ کاروبار اچ وسعت اتے تجارت ودھاوݨ سانڳے سازگار حالات اتے دوستانہ پالیسیاں دا ہووݨ ضروری اے۔ انہاں آکھیے وزارت منصوبہ بندی ٻہوں چنڳیاں پالیسیاں بݨائن۔ موافق پالیسی اتے حالات کوں مزید وسعت ݙیوݨی چاہیدی اے ۔
