لندن۔25ستمبر (اے پی پی):وزیر اعظم محمد شہباز شریف آکھیے جو اقوام متحدہ دے سیکرٹری جنرل انتونیو گوتیرس یقین ݙیوائے جو سیلاب متاثرین دی بحالی کیتے ڈونرز کانفرنس دا انعقاد وختی کیتا ویسی ، وزیراعظم لندن توں بذریعہ ویڈیو لنک پاکستان اچ سیلاب زدہ علاقیں اچ بحالی دے کماں دا جائزہ گھنݨ کیتے ھک اہم اجلاس دی صدارت کیتی ۔اجلاس اچ وفاقی وزراء اتے متعلقہ حکام شرکت کیتی ۔ وزیر اعظم آفس میڈیا ونگ توں اتوار کوں جاری پریس ریلیز موجب متاثرین سیلاب دی بحالی دے حوالے نال منعقدہ اجلاس دے دوران وزیراعظم آکھیے جو اقوام متحدہ جنرل اسمبلی دے اڄوکے اجلاس دے دوران انہاں دی اقوام متحدہ دے سیکرٹری جنرل انتونیو گو تیرس سودھے پوری دنیا دی اہم قیادت نال ملاقاتاں تھئن جنہاں اچ انہاں عالمی رہنماواں کوں پاکستان اچ سیلاب توں تھیوݨ آلی تباہی تے ایں سلسلے اچ حکومت دی طرفوں کیتی ونڄݨ آلیاں امدادی کاروائیاں تے بحالی دیاں کوششاں بارے ݙسایا ، انہاں سعودی ولی عہد محمد بن سلمان بن عبدالعزیز السعود نال آپݨی ٹیلیفونک ڳالھ مہاڑ دا ذکر وی کیتا۔ وزیر اعظم آکھیے جو عالمی رہنماواں کوں موسمیاتی تبدیلی دے پاکستان تے تباہ کن اثرات اتے موسمیاتی تبدیلی دے حوالے نال پاکستان دے نقطہ نظر بارے ݙسایا ۔ عالمی رہنماواں دی طرفوں پاکستان اچ سیلاب توں تھیوݨ آلے ضیان تے ہمدردی اتے تعزیت دا اظہار کیتا ڳئے تے اے یقین ݙیوایا ڳئے جو پورے خلوص دے نال پاکستان دی مدد کیتی ویسی ، انہاں آکھیے بل اینڈ میلنڈا گیٹس فاؤنڈیشن دے شریک چیئرمین بل گیٹس نال ملاقات اچ سیلاب آلے علاقیں اچ ٻالاں دی خوراک کیتے ورلڈ فوڈ پروگرام توں مدد گھنݨ دی ڳالھ وی زیر بحث آئی۔ وزیراعظم مزید آکھیے جو عالمی برادری تے پاکستانی اداریں دی کوششاں توں اساں انشائاللہ وختی ایں اوکھ توں نکل آسوں ۔ وزیراعظم کوں نیشنل فلڈ رسپانس کوآرڈینیشن سینٹر دے حکام دی طرفوں پورے ملک اچ سیلاب آلے علاقیں اچ بحالی دے کماں دے حوالے نال وی بریفنگ ݙتی ڳئی۔
