اسلام آباد۔1دسمبر(اے پی پی):وفاقی وزیرداخلہ رانا ثنا اللہ خان آکھیے جو آئین اچ درج وجوہات دے بغیر اسمبلیاں تروڑ ݙیوݨ پارلیمان، جمہوریت اتے آئین دی توہین اے، پنجاب تے کے پی کے دیاں حکومتاں تحلیل کرݨ دی کوشش کیتی ڳئی تاں ݙوہیں صوبیں اچ گورنرراج یا تحریک عدم اعتماد گھن آسڳدوں ، حکومتاں تحلیل تھیوݨ دی صورت اچ ݙو صوبیں اچ فوری الیکشن یاالیکشن عام انتخابات تئیں موخر کرݨ سودھے ٻئے امور تے غور کریندے پیوں ، آئین تے قانون مطابق اڳوں ودھسوں ، جے عمران خان واقعی حکومت توں انڄ تھیوݨاں ہی اے تاں صدر مملکت دے عہدے ، سینٹ ، آزاد کشمیر تے گلگت بلتستان دیاں حکومتاں وی انڄ تھی ونڄن ، ٹی ٹی پی نال کوئی باض??بط?? مذاکرات نی تھیندے پئے تے نہ ہی کوئی باض??بط?? معاہدہ تھئے ،ساݙی طرفوں واضح اے جو اساں آئین توں بالا کوئی ڳالھ تسلیم نہ کریسوں ۔ او خمیس کوں پی آئی ڈی اچ پریس کانفرنس توں خطاب کریندے پئے ہن ۔وزیر داخلہ رانا ثنا اللہ خان آکھیے جو کوئٹہ اچ دہشت گردی دے واقعہ دی شدید مذمت کریندوں ،ٹی ٹی پی دی طرفوں دھماکے دی ذمہ واری قبول کرݨ الارمنگ اتے قابل مذمت اے ، ٹی ٹی پی کوں ساݙے ہمسایہ برادر ملک افغانستان توں ہر قسم دیاں سہولتاں ملدیاں پئن ۔ انہاں کیتے لمحہ فکریہ ہووݨا چاہیدے جو ٹی پی پی جے پاکستان دے اندر دہشت گردی کریسی تاں اے خطے دے امن کیتے انتہائی خطرناک اے۔ انہاں آکھیے جو ملک دی داخلی اتے خارجی سکیورٹی دے حوالے نال اعلی سطحی اجلاس اچ اہم امور تے غور کیتا ڳئے ، پاکستانی عوام کوں یقین ݙویندوں جو دہشت گرداں کوں ول سر نہ چاوݨ ݙیسوں۔ انہاں آکھیے کے پی کے اچ وی دہشت گردی دے واقعات سامݨے آندے پئن ، اے تاثر ݙتا ویندا پئے جو دہشت گردی قابو توں ٻہر تھی ڳئی اے ایجھی کوئی ڳالھ کائنی ، وفاقی حکومت معاملات کوں آپݨے ہتھ اچ گھنݨ توں پہلے صوبائی حکومتاں دےموثر کردار دی لوڑھ اے ، ایں کیتے وفاقی حکومت ہر طرح نال پورے پاکستان بشمول آزاد کشمیر ،گلگت بلتستان توں تعاون کیتے حاضر اے ۔ انہاں آکھیے بلوچستان تے کے پی کے دی صوبائی انتظامیہ تے قانون نافذ کرݨ آلے ادارے انہاں معاملات کوں سنجیدگی نال گھنن ، جتھاں وفاق دے تعاون دی لوڑھ ??ووے ساݙی طرفوں دیر نہ ہوسی ، امن و امان دی صورتحال تے وزیراعظم دی صد??رت اجلاس تھئے لیکن وزیراعلی خیبر پختونخوا کوں آپݨی پارٹی دی طرفوں انہاں اجلاساں اچ شرکت دی اجازت نی ملی ایندے باوجود وزیر اعلی خ??بر پختونخوا کوں جیڑھی مدد وفاق توں درکا ہووے او گھن سڳدوں ۔ انہاں آکھیے جو ملکی سیاست اچ عمران خان نیازی اتے انہاں دی جماعت تے پاڳلاں جتھہ پاکستان دی سیاست اچ ظہور پذیر تھئے، انہاں دی کوشش اے جو ملک اچ افراتفری اتے انارکی سودھے ایجھے حالات بݨائے ونڄن جنہاں توں ملک عدم استحکام دا شکار تھی ونڄے ۔
.jpg)
