اسلام آباد۔23اگست(اے پی پی) نگران وزیراعظم انوارالحق کاکڑ آکھیے اساکوں آپݨے ہیروز تے فخر اے ، 8 لوکاں کوں ریکسیو کرتے انہاں بہادری دا ھک نواں باب رقم کیتے ۔ آپݨے ٹویٹ اچ انہاں آکھیے بٹگرام اچ ساݙے ہیروز چیلنج نال پوری طرح نبڑیے ۔ ساݙی فوج، انتظامیہ اتے مقامی جوان مرداں رل تے وݙے خطرے کوں ٹال تے بہادری دا ھک نواں باب رقم کیتے ۔ انہاں 8 لوکاں دیاں زندگیاں بچا تے ساݙے اتحاد دی قوت دا ھک واری مظاہرہ کیتے۔ وزیراعظم آکھیے ایں واقعے دے نتیجے اچ اڄ ساݙا قومی جذبہ ابھرتے سامݨے آئے ساݙے ہیروز قابل فخر ہن۔
