اسلام آباد۔12جون(اے پی پی)چیئرمین سینیٹ محمد صادق سنجرانی شمالی وزیرستان دے علاقے میران شاہ اچ سکیورٹی فورسز تے دہشت گرداں دی فائرنگ دی شدید الفاظ اچ مذمت کریندے ہوئیں واقعے اچ شہید اہلکاراں دے اہلخانہ نال دلی ہمدردی و تعزیت کیتی اے اتے زخمی اہلکاراں دی وختی صحت یابی کیتے دعا کیتی ۔ سینیٹ سیکرٹریٹ توں جاری بیان موجب چیئرمین محمد صادق سنجرانی آکھیے دہشت گرد ترقی دے عمل کوں روکݨ چاہندن جیں اچ او کݙاہیں کامیاب نہ تھیسن ۔انہاں آکھیے دہشت گردی دے خلاف جنگ اتے امن دی بقا کیتے سکیورٹی فورسز دی لازوال قربانیاں رائیگاں نہ ویسن ،پاکستان دہشت گردی دے خلاف ہمیشہ آواز چیندا رہسی۔ محمد صادق سنجرانی آکھیے دہشت گردانہ حملے ملک اچ امن وامان دی صورتحال کوں سبوتاژ اتے ایویں دیاں بزدلانہ کارروائیاں ساݙے عزم کوں متزلزل نی کرسڳدیاں ۔چیئرمین سینیٹ آکھیے پاک فوج اتے سکیورٹی اداریں دی دہشت گردی دے خلاف قربانیاں بے مثال اتے قابل فخر ہن، پاک فوج دہشت گردی دے ناسور کوں مکاوݨ کیتے پرعزم اے۔ انہاں آکھیے بہادر جواناں دی قربانیاں دہشت گردی دے خلاف جنگ دے عزم کوں مزید مضبوط کریندن ،دہشت گرد اپݨے مذموم مقاصد اچ کݙاہیں کامیاب نہ تھیسن ۔ ڈپٹی چیئرمین سینیٹ سینیٹر مرزا محمد آفریدی وی میران شاہ اچ سکیورٹی فورسز تے دہشت گرداں دی طرفوں فائرنگ دی شدید الفاظ اچ مذمت اتے شہید اہلکاراں دے اہلخانہ نال دلی ہمدردی اتے تعزیت دا اظہار کیتا۔
