اسلام آباد۔3اپریل(اے پی پی)سینیٹ ھک قرارداد متفقہ طور تے منظور کیتی اے جیں اچ آکھیا ڳئے جو اے ایوان ملک توں رباء دے خاتمہ کیتے وفاقی شرعی عدالت دے فیصلے کوں تسلیم کریندے ، ایوان وفاقی شرعی عدالت دے فیصلے دے خلاف سٹیٹ بینک آف پاکستان اتے نیشنل بینک دی اپیلاں واپس گھنݨ دے حکومتی فیصلے دی وی تعریف کریندے تے ایندی حمایت کریندے جیڑھا جو پاکستان سود توں پاک مالیاتی اتے بینکنگ نظام کیتے حوصلہ افزا اے۔سنوار کوں سینیٹ اجلاس اچ سینیٹر مشتاق احمد قرارداد ایوان اچ پیش کیتی ۔ قرار داد اچ آکھیا ڳئے جو ایوان دستور اسلام جمہوریہ پاکستان دے آرٹیکل 38(و) کوں یاد کریندے جیڑھا جو رباء دے جتنا وختی ممکن ہووے خاتمے دا تقاضا کریندے تے ایں ݙر دا اظہار کریندے جو گزریل 75 سالاں توں ملک توں رباء دی لعنت دا خاتمہ نی کیتا ڳیا ۔ ایوان ملک توں رباء دے خاتمہ کیتے وفاقی شرعی عدالت دے فیصلے کوں تسلیم کریندے ، ایوان وفاقی شرعی عدالت دے فیصلے دے خلاف سٹیٹ بینک آف پاکستان اتے نیشنل بینک دی اپیلاں واپس گھنݨ دے حکومتی فیصلے دی وی تعریف کریندے تے حمایت کریندے جیڑھا جو پاکستان سود توں پاک مالیاتی اتے بینکنگ نظام کیتے حوصلہ افزا اے۔ ایوان قرارداد دی متفقہ طور تےمنظوری ݙتی۔
