اسلام آباد۔6جولائی (اے پی پی):وزیر داخلہ شیخ رشید احمد آکھیے جو کورونا وائرس دی وبا پاروں این سی او سی دی جاری کیتی ڳئی ہدایات دے پیش نظرطورخم بارڈر کوں اڄ (6 جولائی) توں ہر طرح دی آونڄ کیتے بند کرݙتا ڳئے ۔ منگل کوں آپݨے ٹویٹ اچ انہاں آکھیے جو پاک افغان سرحد تے طورخم امیگریشن مرکز ہر طرح دی آمدورفت کیتے او تئیں بند رہسی جݙاں تئیں این سی او سی دی طرفوں وزارت داخلہ کوں نویں ہدایات نی ملدیاں ۔
