اسلام آباد۔3مئی(اے پی پی)وفاقی وزیر اطلاعات و نشریات چوہدری فواد حسین آکھیے جو سچ بولݨ تاریخ دا سب توں اوکھا کم اے، صحافی اپݨی جان تلی تے رکھ تے معاشرے دے سدھار کیتے کم کریندے پین۔ ہک ٹویٹ اچ انہاں آکھیے جو آزادی صحافت دے عالمی ݙینھ دے موقع تے انہاں صحافیاں کوں سلام کرینداں جنہاں فرائض کیتے جان وی وار ݙتی اے، مقبوضہ کشمیر، فلسطین اتے ٻئے علاقیاں دے صحافی سچ لکھݨ کیتے روزانہ مصیبت وات آندن، حکومت پاکستان آزاد اتے ذمہ دارصحافت دے ودھارے کیتے کوشش اچ اے، ایں سال حکومت صحافیاں خصوصاً نوجوان صحافیاں کیتے نویں منصوبے ݙیسی اتے نویں میڈیا ٹیکنالوجیز متعارف کراوݨ ساݙا وݙا مقصد اے۔
