اسلام آباد۔29دسمبر(اے پی پی)وفاقی وزیر برائے منصوبہ بندی ترقی واصلاحات وخصوصی اقدامات اسدعمر آکھیے جو سی پیک پاکستان دی مجموعی ترقیاتی حکمت عملی دا ہک وݙا منصوبہ ہووݨ دے نال نال پاک چین اقتصادی تعلقات دا وی منݙھ اے، پاکستان خصوصی اقتصادی زونز اچ سرمایہ کاری نہ صرف چینی کمپنیاں ٻھل ٻیاں بین الاقوامی سرمایہ کاراں کیت?? وی سوکھا کیتے، سی پیک دے تحت کئی منصوبے 2021ء اچ مکݨ آلے ہین، ایں سال سی پیک اچ وسعت ݙٹھی ڳئی اے، صنعتی تعاون کیتے ٻݨیے مشترکہ ورکنگ گروپ دے فیدے ݙسݨ لڳ ڳین۔ اے ڳالھ انہاں چین پاکستان اقتصادی راہداری دے پہلے مرحلے اچ شاندار کارکردگی آلے 27 پاکستانی کارکنان اتے اہلکاراں کوں ایوارڈ ݙیوݨ کیتے چینی سفارتخانے اچ تھیوݨ آلی تقریب نال خطاب اچ آکھی۔ انہاں آکھیا جو جنوبی زون توں بعد سی پیک دا شمالی زون سی پیک دی ترقی اتے مستقبل سانڳے پاکستان دے عزم دا ا??ہار اے، سی پیک دے ݙوڄھے مرحلے اچ ݙوہاں ملک زراعت اتے سائنس و ٹیکنالوجی دے شعبے تے توجہ ݙیندے پین، پاکستان اتے چین انفارمیشن ٹیکنالوجی دے شعبے اچ وی ہتھ ونݙاوݨ دے سمجھوتے تے دستخط کیتن، انفارمیشن ٹیکنالوجی اچ ݙوہاں ملکاں دیاں کمپنیاں کیتے ودھ مواقع ہین۔ انہاں آکھیا جو سازشاں دے باوجود سی پیک اڳ?? تے ودھدا پئے، پاکستان سی پیک کیتے موثر حفاظتی اقدامات کریندا پئے اتے ایں سانڳے کوئی سازش کامیاب نہ تھیوݨ ݙتی ویسی۔تقریب نال چینی کمیشن برائے ترقی و اصلاحات دے ڈائریکٹر جنرل اِینگ شیونگ، چینی سفیر نونگ رونگ وی خطاب کیتا۔
