اسلام آباد۔31مئی(اے پی پی):وفاقی وزیر منصوبہ بندی ،ترقی ، اصلاحات وخصوصی اقدامات پروفیسر احسن اقبال آکھیے ویلھا آڳئے جو اساں سارے پاکستانیاں کوں اڳوں گھن آتے ملک دی ترقی اچ کرادارادا کرݨ دا موقع ݙیوں ،چین دا بیلٹ اینڈ روڈ اتے پاکستان دے وژن 2025 کوں ملا تے چین اتے جنوبی ایشائی ملکاں کوں رلاوݨ دا منصوبہ اے ، پاکستان خطے دی ترائے ارب آبادی دا مرکز بݨ سڳدا ہئی ،سی پیک اچ 3 سال دے اندر 29 ارب ڈالر دی سرمایہ کاری تھئی۔اے ڳالھ انہاں لیڈرز ان اسلام آباد سمٹ توں خطاب کریندے ہوئیں آکھی اے ، انہاں آکھیے پاکستان دے قیام دی 75 ویں سالگرہ منیندا پئے ۔ مگر اپݨے اہداف توں ٻہوں پرے ہے ، جݙاں حکومت اچ پہلی مرتبہ آیا تاں ملک 50 ویں سالگرہ منیندا پیا ہئی ،اساں ملائشیاء ڳئے وژن 2020 دا جائزہ گھنݨ ڳعے تاں پ??ہ لڳا جو انہاں پاکستان توں سکھیے ،جݙاں وی پاکستان دی اشرافیہ کنے ڳئے تاں او آکھدے ہن ملک ڳیا اڄ ڳیا یا کل ڳیا ، احسن اقبال آکھیے پاکستان دے غریب اتے عام آدمی کنے خواب ہئی جو پاکستان اوکھ توں نکل ویسی ، سال 1998 اچ پاکستان دی توانائی اضافی ہئی۔ وژن 2010 اچ آکھیا ہئی جو 2006 اچ بجلی دی قلت ہوسی ،سال 2008 اچ ملک دے اندر بجلی دی قلت ٻہوں ہئی تے 18گھنٹے دی لوڈ شیڈنگ ہئی ۔انہاں آکھیے پاکستان کیتے ساریں توں وݙا گیم چینجر پاکستان چین اقتصادی راہدری سامݨے آیا ،سی پیک ھک ایجھا کیچ ہئی جیں کوں اساں چھوڑ ݙتا تاں تاریخ اساکوں درے لیسی ۔ پاکستان 1960 اچ موقع ونڄایا جݙاں اساں آندا جاپان اکھویندے ہاسے مگر 1965 دی جنگ دے بعد اڳوں نہ ودھ سڳیے ،پاکستان کنے ݙوجھا موقع 1991 اچ ہئی ۔ ساریں توں پہلے معاشی اصلاحات جنوبی ایشیا اچ متعارف کرائیاں ۔انہاں آکھیے پاکستان معیشت کوں لبرائزیشن اتے ڈی ریگولیشن اتے نجکاری کوں اپنایا، من موہن سنگھ سرتاج عزیز توں ایں ایس آر او دی کاپی منگی جیں تے اصلاحات کیتیا?? ہن بھارت اوہو اپنائے ۔ 1990 دے ݙھاکے اچ اساں اقتدار دی میوزیکل چیئر کھیݙی تے اصلاحات اچ پچھوں رہ ڳ??ے، سی پیک پاکستان کوں تریجھا موقع ݙتے ، چین دا بیلٹ اینڈ روڈ اتے پاکستان دے وژن 2025 کوں رلا تے چین اتے جنوبی ایشائی ملکاں کوں رلاوݨ دا منصوبہ اے ،پاکستان خطے دی ترائے ارب آبادی دا مرکز بݨ سڳدا ہئی ۔ احسن اقبال آکھیے سی پیک اچ 3 سال دے اندر 29 ارب ڈالر دی سرمایہ کاری تھئی ۔چینی صدر شی اپݨی 100 کمپنیاں کوں ہدایت کیتی جو پاکستان اچ سرمایہ کاری کرو ، 18 ۔ 2017 اچ اے عالم ہئی جو امریکی، برطانیہ، اتے ٻئے ملکاں دے سفیر میں توں سی پیک اچ رلݨ دا آکھدے ، احسن اقبال آکھیے سی پیک کرکٹ دی بال والا کیچ نی فٹبال دا کیچ ہئی او ڈراپ کرݙتا۔گزریل چار سال اچ گزریل حکومت چین کوں آکھیے سی پیک اچ مہانگے قرضے ݙتے ، وزیراں کوں رشوت ݙتی اے ،میݙے خلاف اتے شہباز شریف تے بےہودہ الزام لاتے تے سی پیک کوں اسکینڈل بݨا یا ڳیا، چین کوں ناراض کیتا ڳیا تے ھک ھک کرتے ساری کمپنیاں پاکستان توں ونڄݨ شروع تھی ڳیا ، احسن اقبال آکھیے میکوں گولی ماری ڳئی مگر اپݨی پارٹی نی چھوڑی ، اساں ناروال جیہے ضلع اچ کرکٹ سٹیڈیم بݨایا، اساکوں سوچݨا پوسی جو کیڑھے پاسے ونڄݨا اے ،اڄ کوئی ھک ادارہ پاکستان کوں موجودہ حالت نی کڈھ سڳدا جے کوئی حل اے تاں او ھک مٹھ تھی تے نکل سڳدے ،اساں 75 سالاں اچ ایں کیتے مار کھادی جو اساں کنے ایکسپورٹ سیکٹر کائنی ، او کمپنیاں جیڑھیاں ڈالر کمیندن انہاں کوں سپورٹ کیتا ونجݨا چاہیدے ۔
