اسلام آباد۔2مئی (اے پی پی):وفاقی وزیر منصوبہ بندی،ترقی، اصلاحات، خصوصی اقدامات وبین الصوبائی رابطہ پروفیسر احسن اقبال پی ایس ڈی پی دے تحت بلوچستان اچ جاری منصوبیں کوں وختی مکمل کرݨ دی ہدایت کریندے ہوئیں آکھیے جو سارے صوبائی منصوبیں کوں 50/50 فیصد شیئرینگ فارمولے دے تحت مکمل کیتا ویسی ۔ اے ڳالھ انہاں پی ایس ڈی پی دے تحت نیشنل ہائی وے اتھارٹی دے جاری اتے نویں منصوبیں متعلق جائزہ اجلاس دی صدارت کریندے ہوئیں آکھی اے ۔ اجلاس اچ سیکرٹری منصوبہ بندی، سیکرٹری مواصلات ، چئیرمین این ایچ اے سودھے وزارت منصوبہ بندی دے حکام شرکت کیتی۔ اجلاس اچ وفاقی وزیر کوں پی ایس ڈی پی25-2024 دے تحت جاری اتے نویں منصوبیں تے بریفنگ ݙتی ڳئی ۔
