اقوام متحدہ۔27ستمبر(اے پی پی) پاکستان جنوبی ایشیا اچ امن و سلامتی اتے جوہری ہتھیاراں توں پاک دنیا دے مقصد دے حصول اچ آپݨے عزم دا اعادہ کریندے ہوئیں آکھیے بھارت 1974 اچ جنوبی ایشیا اچ ایٹمی تجربہ کر تے جوہری ہتھیاراں کوں متعارف کراوݨ دا ذمہ وار اے ایں بھارتی اقدام پاکستان کوں سٹریٹجک استحکام بحال کرݨ تے جارحیت روکݨ کیتے پیروی تے مجبور کیتے۔ اقوام متحدہ اچ پاکستان دے مستقل مندوب منیر اکرم ’’جوہری ہتھیاراں دے منڈھوں خاتمے دے جڳ ݙیھاڑ تے ‘‘دے موقع تے تقریب توں خطاب اچ بھارت دا ناں ڳھداے بغیر آکھیے جنوبی ایشیا اچ جوہری ہتھیار متعارف کراوݨ دا سہرا 1974 اچ صرف ھک ریاست دے سر تے ویندے ۔ ایں ریاست 1998 اچ جنوبی ایشیا اچ جوہری ہتھیاراں دے دھماکے وی شروع کیتے ہن۔ انہاں آکھیے پاکستان کوں سٹریٹجک استحکام بحال کرݨ تے ملک دی جارحیت روکݨ کیتے ایندی پیروی کرݨ تے مجبور کیتا ڳئے ۔پاکستانی مندوب آکھیے جنوبی ایشیا جوہری تجربیں دے بعد پاکستان جنوبی ایشیا اچ ھک سٹریٹجک ریسٹرینٹ رجیم (ایس آر آر) دے قیام دی تجویز پیش کیتی، جیں دی بنیاد جھیڑیں دے حل، جوہری ہتھیاراں اتے میزائل تے کنٹرول اتے روایتی ہتھیاراں دے توازن تے ہوسی ۔
.jpg)
