اسلام آباد۔20اکتوبر(اے پی پی)وزیراعظم محمد شہبازشریف سعودی ڈویلپمنٹ فنڈ دے تحت منصوبیاں بارے اڳونہی تے خوش تھیندے آکھیے جو اڳیں اے منصوبیاں کوں ݙک تے ٻہوں نقصان پچایا ڳئے، سعودی عرب پاکستان دی مالی مشکلات دے حل، گرانٹ، قرض ݙیوݨ اتے سرمایہ کاری نال ہمیشہ اہم کردار ادا کیتے۔ وزیراعظم محمد شہبازشریف سعودی ڈویلپمنٹ فنڈ دے زیر التوا منصوبیاں بارے جائزہ اجلاس دی صدارت کیتی جیندے اچ سعودی ڈویلپمنٹ فنڈ دے وفد وی شرکت کیتی۔ اجلاس اچ ݙسایا ڳیا جو وزیراعظم دے آکھݨ تے سعودی ڈویلپمنٹ فنڈ دے زیر التوا منصوبیاں اچ ساریاں رکاوٹاں دور تھی ڳین اتے وزیراعظم ایندے اڳو تے ودھݨ تے خوشی ݙکھائی اے۔ اجلاس اچ سعودی ڈویلپمنٹ فنڈ دے منصوبیاں بارے بریفنگ ݙٹی ڳئی جو سعودی ڈویلپمنٹ فنڈ دے تحت مہمند ڈیم پراجیکٹ، جاگران-IV پراجیکٹ، شونٹر ہائیڈرو پاور پراجیکٹ اتے گریویٹی فلو واٹر مانسہرہ پراجیکٹ کیتے ساری کاروائی مکمل کر ڳھدی گئی اے اتے ایندے معاہدیاں تے تیکھے دستخط کیتے ویسن۔ اجلاس اچ نیلم جہلم ہائیڈرو پاور پلانٹ اتے گولن گول ہائیڈرو پاور پراجیکٹ سودھا آزاد جموں و کشمیر اچ نیلم ویلی روڈ دی تعمیر بارے وی الایا ڳیا۔ اجلاس آکھیا جو آزاد جموں و کشمیر اتے ایبٹ آباد دے زلزلے نال متاثرہ علاقیاں دی بحالی بارے سعودی ڈویلپمنٹ فنڈ، ایرا، فیڈرل بورڈ آف ریونیو اتے اکاؤنٹنٹ جنرل آفس وچال معاملات طے پا گین۔
.jpg)
