اسلام آباد۔22اگست (اے پی پی) پاک فوج دے دستے سندھ، بلوچستان اتے پنجاب دے چھل دے علاقیاں اچ سول انتظامیہ دی مدد کریندے پئن۔ پاک فوج دے دستے ریسکیو اتے امدادی کماں اچ مصروف ہن اتے لوکاں کوں محفوظ ڄاہ تے پڄیندے پئن۔ آئی ایس پی آر دے مطابق آرمی میڈیکل ڈاکٹرز اتے پیرا میڈیکل ٹیماں چھل متاثرین دا علاج کریندی پئن۔ متاثرہ لوکاں اچ راشن اتے پکیا ہوئیا کھانا وی تقسیم کیتا ویندا پئے۔ سندھ اچ سیلاب متاثرین دی حفاظت کیتے فوج دے دستے خیرپور سندھ دے ضلع صائم نالہ دے چھل متاثرین علاقیاں اچ پڄ ڳئن۔ بلوچستان اچ پاک فوج اتے ایف سی دے دستے بلوچستان اچ کوئٹہ، پشین، قلعہ سیف اللہ، زیارت، ژوب، لورالائی اتے نوشکی اچ چھل اچ ریسکیو اتے امدادی کم جاری رکھی پئن۔ متاثرہ علاقیاں اچ فوج اتے ایف سی دے فری میڈیکل کیمپ وی لاتے ڳئن پنجاب اچ وہاڑی، راجن پور اتے ڈیرہ غازی خان اچ پاک فوج دے دستے امدادی کم اتے متاثرہ آبادی کوں طبی امداد ݙیندے پئن۔
