اسلام آباد۔14جون (اے پی پی) وفاقی وزیر برائے منصوبہ بندی ترقی تے اصلاحات وخصوصی اقدامات احسن اقبال آکھیا جو جݙاں حکومت چھڑیسوں تاں ملک دے دیوالیہ تھیوݨ دا خطرہ ٹل ڳیا ہوسی۔ حکومت سخت فیصلیاں دا مقصد ملک دی معیشت کوں بچاوݨ اے۔ اسلام آباد اچ میڈیا نال ڳالھ مہاڑ کریندیں ہوئیں احسن اقبال آکھیا جو عمران خان آوݨ آلی حکومت کوں پھساوݨ کیتے پٹرول تے سبسݙی ݙتی۔ 2018 اچ حکومت چھوڑی ہئی تاں قرضہ 1500 ارب روپے ہئی اتے ہݨ قرضہ چار ہزار ارب روپے اے۔ آئی ایم ایف نال عوام دشمن معاہدہ تحریک انصاف دی حکومت کیتا۔ ایں معاہدے تے حفیظ شیخ دستخط کیتے۔ اگر اساں ایں معاہدے تے عمل نہ کروں توں ملک دی معیشت خراب تھیسی۔ اتحادی حکومت دا مقصد ملک دی معیشت کوں بچاوݨ ہئی اتے حکومت دے سخت فیصلیاں دا مقصد معیشت کوں بچاوݨ اے۔
