اسلام آباد۔3اپریل(اے پی پی)عوامی مسلم لیگ دے سربراہ اتے سابق وزیر داخلہ شیخ رشید احمد آکھیے جو آندے انتخابات اچ وزیراعظم عمران خان ݙر ترہائی اکثریت نال کامیاب تھیسن، اپوزیشن سیاسی موت مر گئی اے، بھارت اچ صف ماتم وچھی اے بھل ایں فیصلے نال پاکستان اچ خوشی آئی اے، اپوزیشن عمران خان کوں مقبول ٻݨا ݙتے، سپریم کورٹ دا جیڑھا وی فیصلہ ہوسی او سر اکھیں تے۔ پریس کانفرنس اچ انہاں آکھیے جو ساݙے کولو عدم اعتماد، وزیراعظم دا استعفی اتے ملک اچ نویں انتخابات کراوݨ دی آپشن ہئی جیندے تے اساں تریڄھا آپشن استعمال کیتے جو انتخابات دا رستہ ڳھدا ونڄے، ہݨ اپوزیشن انتخابات توں ٻھڄدی پئی اے۔ انہاں آکھیا جو میں چاہنداں کہ پنجاب اتے خیبرپختونخوا اچ وی اسمبلی تروڑ ݙتی ونڄے اتے حج توں بعد انتخابات تھی ونڄن، 15 ݙینھ تئیں وزیراعظم عمران خان وزیراعظم رہسن، انہاں ٻہوں کم کرݨن، ہݨ کروڑاں روپے ڳھنݨ آلے کݙاھو دے نئیں رہے۔ شیخ رشید آکھیا جو سپریم کورٹ دا ہر فیصلہ منیسوں۔
