اسلام آباد – 08 – جون (اي پي پي) وزيراعظم شهباز شريف چيو آهي ته پاڪستان جي اقتصادي سلامتي سياسي استحڪام سان لاڳاپيل آهي، وقت جي ضرورت آهي ته سياسي قوتون ۽ سموريون لاڳاپيل ڌريون پنهنجي ننڍن ننڍن مفادن کان مٿانهون ٿي ڪري ميثاق معيشت تي متفق ٿين، ادائيگين جي توازن جي بحران کي منهن ڏيڻ لاءِ روانگي واپار کي وڌائڻ ۽ درآمدات کي گهٽ ڪرڻ جي ضرورت آهي، اتحادي حڪومت معيشت جي استحڪام لاءِ مشڪل فيصلا ڪيا آهن. اهڙن خيالن جو اظهار هن پنهنجن مختلف ٽوئيٽس ۾ ڪيو، وزيراعظم ٽوئيٽ ۾ پري بجيٽ ڪانفرنس کي پنهنجي خطاب جا اهم نقطا اجاگر ڪيا، وزيراعظم چيو ته ميثاق معيشت تحت پاليسين جي تسلسل کي يقيني بڻائڻو پوندو،وزيراعظم چيو ته اسان وٽ بهترين انساني وسيلا، زرخيز زمينون ۽ ميدان آهن پر اسان کي بهتر حڪمت عملي ۽ ٺوس قدمن جي ذريعي عملدرآمد جي ضرورت آهي جيتوڻيڪ انهن منصوبن کي عملي جامو نه پارايو ويو جنهن جي ڪري لاڳت ۽ کين مڪمل ڪرڻ جي مدي ۾ اضافو ٿيو آهي، اسان کي ان دير تي ضابطو آڻڻ جي ضرورت آهي، هن چيو ته پري بجيٽ بزنس ڪانفرنس جي نقطن جي روشني ۾ مون آءِ ٽي، ايڪسپورٽ، زراعت، فنانس سيڪٽرز ۽ فوڊ سيڪيورٽي سان تعلق رکندڙ ماهرن ۽ پيشيوراڻي ماڻهن تي مشتمل مختلف ٽاسڪ فورسز ٺاهڻ جو فيصلو ڪيو آهي ته جيئن تيزي سان عملدرآمد لاءِ تجويزن کي حتمي شڪل ڏئي سگهجي، وزيراعظم چيو ته ادائيگين جي تعاون جي بحران کي منهن ڏيڻ لاءِ روانگي واپار کي وڌائڻ ۽ درآمدات کي گهٽ ڪرڻ جي ضرورت آهي، وزيراعظم چيو ته هن ترقياتي منصوبن تي عملدرآمد لاءِ سرڪاري ۽ نجي حصيداري جي تجويز ڏني آهي، سرڪاري ۽ نجي حصيداري بابت نوان آئيڊياز سامهون ايندا، وزيراعظم چيو ته اتحادي حڪومت معيشت جي استحڪام لاءِ مشڪل فيصلا ڪيا آهن، اسان پنهنجي سياست تي ان جي اثرن جي پرواهه نه ڪئي ڇو ته ايئن ڪرڻ ملڪ جي بهترين مفاد ۾ آهي، ڪيستائين اسان قومي ذميدارين جي قيمت تي پنهنجي ننڍي ننڍن مفادن جو شڪار ٿيندا رهنداسين. وزيراعظم چيو ته پنهنجي غير ملڪي دورن دوران هن پنهنجو وقت ۽ توانائي گذريل 4 سالن جي دوران دوست ملڪن سان پنهنجي لاڳاپن کي پهچندڙ نقصان جي ازالي کي ٺيڪ ڪرڻ تي ڏنو. وزيراعظم چيو ته آءِ ٽي، واپار، ناڻي، توانائي، بنيادي ڍانچي ۽ سيڙپڪاري جي شعبن ۾ گڏيل تعاون اسان جي ترجيح آهي، وزيراعظم چيو ته انفارميشن ٽيڪنالاجي جي سعبي ۾ حيرت انگيز ترقي ٿي آهي، آءِ ٽي جي برآمدات وڌائڻ جي وڏي گنجائش موجود آهي، اسان آءِ ٽي جي شعبي جي صلاحيت مان فائدو کڻڻ جي پاليسين تي ڌيان ڏينداسين. جيڪڏهن درست پاليسين تي عمل ڪيو وڃي ته آءِ ٽي جي شعبي ۾ ٻن چئن سالن ۾ 15 ارب ڊالر تائين روانگي اوپار وڌائڻ جي صلاحيت آهي، وزيراعظم چيو ته زمين هڪ محدود اثاثو آهي جتي هائوسنگ سوسائيٽون وڌي رهيون آهن، اسان زمين جي غير پيداواري استعمال جي حوصلا شڪني لاءِ قدم کڻنداسين. هن چيو ته مون کي يقين آهي ته زراعت اسان جي معيشت جو رخ موڙي سگهي ٿي، پر ان لاءِ فعال پاليسيون ٺاهڻيون پونديون. وزيراعظم چيو ته قوم هن وقت مشڪل دور مان گذري رهي آهي، مشڪل فيصلا حالتن موجب ضروري هئا، انشاءُ الله اسان انهن حالتن کان ٻاهر نڪري اينداسين، حڪومت صورتحال کي منهن ڏيڻ لاءِ ڪفايت شعاري جا قدم کنيا آهن. وزيراعظم چيو ته زراعت، واپار، صنعت، آءِ ٽي ۽ مالياتي ماهرن جي پري بجيٽ بزنس ڪانفرنس ۾ فعال شرڪت ۽ تجويزن تي خصوصي ٿورو ادا ڪريان ٿو، هي بزنس ڪانفرنس معاشي چئلينجن کي منهن ڏيڻ ۽ اڳتي وڌڻ لاءِ خيالن جي ڏي وٺ جو هڪ بهترين پليٽ فامز آهي.
