ڈیووس۔16جنوری (اے پی پی) نگران وزیراعظم انوار الحق کاکڑ اڄ منگل کوں عالمی اقتصادی فورم (ڈبلیو ای ایف) دے 54ویں سالانہ اجلاس اچ شرکت کیتے ڈیووس پڄسن۔ وزیراعظم آفس دے میڈیاونگ توں جاری بیان موجب وزیرِ اعظم “عالمی تنازعات دے دور توں بچاؤ” دے موضوع تے عالمی اقتصادی فورم دے غیر رسمی اجلاس اچ شریک تھیسن۔ ایں اجلاس اچ دنیا دے معروف پالیسی ساز، سرمایہ کار تے کاروباری رہنما اتے ماہرین وی شریک تھیسن۔ وزیرِ اعظم ڈیووس اچ ڈی-پی ورلڈ اتے جے ڈبلیو انٹرنیشنل ہولڈنگ وچال مفاہمتی یادداشت تے دستخطاں دی تقریب اچ شریک تھیسن۔ وزیراعظم نال ایران دے وزیرِ خارجہ حسین امیر عبداللہیان اتے کارگِل کمپنی دے صدر و چیف ایگزیکٹیو آفیسر برائن سائیکس وی ملاقات کریسن۔
