اسلام آباد۔6فروری(اے پی پی)صدر مملکت ڈاکٹر عارف علوی بین الاقوامی امن اتے تعاون ودھاوݨ کتیے تباہ کن جنگی حکمت عملیاں توں بچݨ اتے پرامن حکمت عملی تے توجہ ݙیوݨ تے زور ݙیندے آکھیے جو ڄڳ دی ترجیح اسلحہ و مسلح افواج تے کھرباں ڈالر خرچ کرݨ دی بجائے موسمیاتی تبدیلی، گلوبل وارمنگ، بکھ، غربت، وبائی امراض، بیماریاں اتے ناخواندگی ڄھیں عالمی مسائل نال نمٹݨا ہووݨا چاہیدے۔ اے ڳالھ انہاں کمانڈ اینڈ سٹاف کالج کوئٹہ اچ زیر تربیت غیر ملکی فوجی افسران دے وفد نال الیندے آکھی۔ انہاں آکھیا جو جنگ کہیں وی مسلے دا حل کائنی، کیوں جو اے صرف انسانیت کیتے تباہی اتے مصیبتاں ڳھن آندی اے۔ انہاں مذاکرات اتے مفاہمت دی لوڑھ تے زور ݙتے جیندے نال عالمی و علاقائی مسائل دا حل ڳولݨ اچ مدد ملے۔
