اسلام آباد۔1اکتوبر (اے پی پی):وزیر خارجہ مخدوم شاہ محمود قریشی آکھیے جو پاکستان، ڈنمارک دے نال ݙو پاسے تعلقات کوں خصوصی اہمیت ݙیندے، افغانستان اچ انسانی و معاشی بحران نال نبݨݨ کیتے عالمی عالمی برادری افغان عوام دی معاونت کیتے پکے اقدامات چاوے ۔پاکستان اتے ڈنمارک وچال وفد دی سطح تے مذاکرات جمعہ کوں وزارتِ خارجہ اچ تھئے ۔پاکستانی وفد دی قیادت وزیر خارجہ مخدوم شاہ محمود قریشی جݙاں جو ڈینش وفد دی قیادت ڈنمارک دے وزیرخارجہ یپے کوفو کیتی۔ مذاکرات اچ ݙو پاسے تعلقات، افغانستان دی ابھردی ہوئی صورتحال سودھے سانجھی دلچسپی دے امور تے ڳال مہاڑ کیتی ڳئی اے ۔وزیر خارجہ آکھیے جو پاکستان، ڈنمارک دے نال ݙو پاسے تعلقات کوں خصوصی اہمیت ݙیندے ۔انہاں آکھیے جو جی ایس پی پلس سٹیٹس دے حوالے نال اسان پاکستان دی معاونت تے ڈنمارک دے شکر گزار ہیسے ،اساں ٻاہرلے سرمایہ کاراں کوں پاکستان اچ سرمایہ کاری کیتے ودھ ساری پر کشش مراعات ݙیندے پیوں جݙاں جو کاروبار اچ سوکھ دے حوالے نال پاکستان دی عالمی درجہ بندی اچ بہتری آئی ہے۔شاہ محمود قریشی آکھیے جو ڈینش کمپنیاں، پاکستان اچ سرمایہ کاری دے ذریعے انہاں مراعات توں فیدہ چاو سڳدن ، انہاں آکھیے جو پاکستان اتے ڈنمارک وچال قابل تجدید توانائی اتے موسمیاتی تبدیلی دے حوالے نال ݙو پاسے طرفہ تعاون دا ودھارا قابل ستائش اے۔ݙوہیں ملکاں دی پارلیمان اچ پاکستان اتے ڈنمارک پارلیمانی فرینڈشپ گروپس دی موجودگی، پارلیمانی رابطے دے ودھارے دا باعث اے ۔
