اسلام آباد۔15جون (اے پی پی):وفاقی وزیر ہاؤسنگ اینڈ ورکس ریاض حسین پیر زادہ آکھیے جو شہداء ساݙا قیمتی اثاثہ ہن،شہداء جان دی قربانی ݙے تے وطن عزیز دی سلامتی یقینی بݨیندے پئن ۔ترجمان موجب اے ڳالھ انہاں شہید سپاہی اسد اللہ دے گھر آوݨ تے آکھی اے ، وفاقی وزیر شہید دے والد اتے ٻئے اہلخانہ نال تعزیت کیتی تے شہید دے اُچے درجات سانڳے دعا منگی ۔ ایں موقع تے انہاں آکھیے شہداء دی قربانیاں پاروں ہی اساں آزاد فضا اچ ساہ گھندے پیوں ۔واضح رہے سپاہی اسداللہ 9 جون کوں لکی مروت اچ دہشت گرداں نال مقابلہ کریندے ہوئیں شہید تھئے ہن۔
