راولپنڈی۔2فروری(اے پی پی):پاک بحریہ دے جہاز پی این ایس سیف ریجنل میری ٹائم پٹرول دے دوران سری لنکا دی بندرگاہ کولمبو دا دورہ کیتے۔ترجمان پاک بحریہ موجب بندرگاہ آمد تے میزبان بحریہ دے افسراں تے پاکستانی سفارتی حکام پاک بحریہ دے جہاز دا پرتپاک استقبال کیتے۔پی این سیف دے کمانڈنگ آفیسر دی سری لنکن بحریہ دے اعلیٰ حکام نال اہم ملاقاتاں کیتن جیں اچ سانجھی دلچسپی دے امور بشمول ݙوطرفہ بحری تعاون دے ودھارے تے ڳالھ مہاڑ کیتی ۔پاک بحریہ دے جہاز دی سری لنکن بحریہ دے رلے مشترکہ بحری مشق اچ شرکت کیتی۔پاک بحریہ دے جہاز دا دورہ سری لنکا ݙوہیں ملکاں وچال بحری تعلقات کوں مزید تکڑا کریسی ۔پاک بحریہ دے جنگی جہازریجنل میری ٹائم پٹرول تے باقاعدگی نال تعینات کیتے ویندن جیں دا مقصد بحری سلامتی اتے سمندر اچ جہازاں دی آونڄ کوں محفوظ بݨاوݨا اے ۔
