اسلام آباد۔7نومبر(اے پی پی):نگراں وزیراعظم انوار الحق کاکڑ آکھیے جو حکومت الیکشن کمیشن نال آزادانہ، منصفانہ و شفاف انتخابات کیتے پورا ہتھ ونݙیسی اتے ایں سانڳے سارے وسائل ݙتے ویسن۔ او اسلام آباد اچ ملݨ آوݨ آلے چیف الیکشن کمشنر سکندر سلطان راجہ نال الیندے پئے ہن۔ چیف الیکشن کمشنر وزیراعظم کوں عام انتخابات کیتے الیکشن کمیشن دیاں تیاریاں تے بریفنگ ݙتی اتے عام انتخابات دی تیاریاں دے جائزہ کیتے الیکشن کمیشن دا دورہ کرݨ دی وی دعوت ݙتی۔
