اسلام آباد۔7اکتوبر (اے پی پی):صدر مملکت ڈاکٹر عارف علوی آکھیے جو ملک دی حفاظت اچ جان دی قربانی پیش کرݨ آلے شہیداں کوں خراج عقیدت پیش کریندوں ۔ ایوان صدر دے پریس ونگ موجب اے ڳالھ انہاں جمعے کوں شہداءدے اہل خانہ نال ڳالھ مہاڑ کریندے ہوئیں آکھی اے ۔ صدر مملکت ہرنائی بلوچستان اچ ہیلی کاپٹر حادثے اچ شہید تھیوݨ آلے میجر منیب افضل دے والد اتے میجر خرم شہزاد دے بھرا نال تعزیت کیتی۔ صدر مملکت حادثے اچ شہید تھیوݨ آلے صوبیدار عبدالواحد، نائیک جلیل انجم، سپاہی محمد عمران اتے سپاہی شعیب خان دے گھر آلیں نال وی ڳالھ کیتی۔ ڈاکٹر عارف علوی شمالی وزیرستان حملے اچ شہید تھیوݨ آلے صوبیدار جاوید اقبال تے نائیک حسین احمد دے لواحقین نال وی تعزیت کیتی۔ صدر جنوبی وزیرستان اچ فائرنگ توں شہید تھیوݨ آلے نائیک عبد الرشید اتے سپاہی رسول بادشاہ دے اہل خانہ نال ڳالھ مہاڑ کیتی تے آکھیے جو ملک دی حفاظت اچ جان دی قربانی پیش کرݨ آلے شہیداں کوں خراج عقیدت پیش کریندوں ۔ صدر مملکت شہداء دے اچے درجے تے انہاں دے خاندان کیتے صبر دی جمیل کیتی اے ۔
