اسلام آباد۔10دسمبر (اے پی پی) وزیراعظم شہباز شریف دی نمائندگی کریندیں ہوئیں سینیٹ اچ پارلیمانی پارٹی لیڈر سینیٹر عرفان صدیقی منگل کوں پاکستان مسلم لیگ (ن) دے سابق سیکرٹری اطلاعات صدیق الفاروق دے گھر ڳئے اتے وزیراعظم ولوں صدیق الفاروق دی عیادت کیتی۔ سینیٹر عرفان صدیقی وزیراعظم شہباز شریف ولوں صدیق الفاروق کوں گلدستہ پیش کریندیں ہوئیں آکھیا جو وزیراعظم کوں تساݙی صحت بارے تشویش اے اتے انہاں ایں بارے تساݙے علاج کیتے ہر سہولت ݙیوݨ دی ہدایت کیتی اے۔ وزیراعظم دعا کیتی جو اللہ تعالیٰ تساکوں جلدی صحت یاب کرے۔ صدیق الفاروق وزیراعظم ولوں صحت کیتے دعائیں تے شکریہ ادا کیتا۔ انہاں سینیٹر عرفان صدیقی دے آوݨ تے وی شکریہ ادا کیتا۔
