اسلام آباد۔1ستمبر (اے پی پی):وزیراعظم محمد شہباز شریف قیمتی زرمبادلہ بچت اتے عوام کوں بجلی دی فراہمی اچ ریلیف ݙیوݨ کیتے مہانگے درآمدی تیل دی بجائے سجھ دی روشنی توں بجلی بݨاوݨ دے فیصلے تے عمل درآمد دی منظوری ݙے ݙتی ، خمیس کوں وزیراعظم آفس دے میڈیاونگ توں جاری بیان موجب وزیراعظم عوام کوں بجلی دے معاملے اچ ریلیف ݙیوݨ دا وݙا فیصلہ کیتے ۔ وزیراعظم ٻاہرلے ??لک توں مہانگا تیل منڳوا تے بجلی بݨاوݨ دی بجائے سجھ دی روشنی توں بجلی پیدا کرݨ دی منظوری ݙے ݙتی ، وزیر اعظم محمد شہباز شریف ملک دے قیمتی زرمبادلہ دی بچت کیتے وݙا تے بنیادی قدم چاتے جیں توں پاکستان ارباں ڈالر دی بچت کرسڳسی ۔ منصوبے دے تحت مہانگے درآمدی ایندھن (ڈیزل اتے فرنس آئل) دی جاہ سولر پاور توں 10 ہزار میگاواٹ بجلی بݨائی ویسی۔ پہلے ??رحلے اچ سرکاری عمارتاں، بجلی اتے ڈیزل توں چلݨ آلے ??یوب ویلز ??تے گھٹ یونٹ استعمال کرݨ آلے گھریلو صارفین کوں سجھ دی روشنی توں پیدا تھیوݨ آلی بجلی ݙتی ویسی ۔ وزیراعظم سولر پاور پلانٹس دی جلدی تعمیر دی وی ہدایت کیتی ۔ گرمیاں دا آندا موسم شروع تھیوݨ تئیں عوام کوں بجلی دی فراہمی اچ خاطر خواہ ریلیف ݙیوݨ دی ہدایت کیتی اے ۔وزیراعظم دی متعلقہ اداریں کوں منصوبے تے ہنگامی بنیاداں تے کم شروع ??رݨ دی ہدایت کیتی اے ۔وزیراعظم آندے ہفتے سارے متعلقہ لوکاں دیاں ٻولیاں توں پہلے ??ری بڈ کانفرنس منعقد کرݨ دی وی ہدایت کیتی اے ۔
.jpg)
