اسلام آباد۔14اگست (اے پی پی):پاکستان دے ڈائمنڈ جوبلی یوم آزادی دے موقع تے اسلام آباد ہائی کورٹ دے جسٹس میاں گل حسن اورنگزیب قومی پرچم لہرایا۔ اتوار کوں پاکستان دے 75ویں یوم آزادی دے موقع تے پرچم کشائی دے موقع تے اسلام آباد ہائی کورٹ دے جج صاحبان، چھوٹی عدالتاں دے عملہ، اسلام آباد ہائی کورٹ بار ایسوسی ایشن دے حکام، ڈسٹرکٹ بار ایسوسی ایشن، جوڈیشل افسران اتے وکلاء دی وݙی تعداد تقریب اچ شرکت کیتی ۔
