اسلام آباد۔19جولائی (اے پی پی) وفاقی وزیر برائے موسمیاتی تبدیلی تے ماحولیاتی رابطہ سینیٹر شیری رحمان آکھیا جو محرم الحرام اچ امن اتے رواداری کوں فروغ ݙے تے اساں پاکستان کوں ہک مضبوط اتے متحد ملک ٻݨا سڳدوں۔ اپݨے ہک ٹویٹ اچ انہاں آکھیا جو محرم الحرام شروع تھیوݨ تے آؤ اساں سارے رل تے پاکستان اچ امن دا پرچار کروں۔ اے مہینہ مسلماناں کیتے ٻہوں اہمیت رکھیندے۔ انہاں آکھیا جو دعا اے جو ایں محرم اچ پورے پاکستان اچ امن، رواداری اتے ہم آہنگی کوں فروغ ݙیوݨ دی ترغیب ملے۔
