اسلام آباد۔20جون(اے پی پی)وفاقی وزیر داخلہ رانا ثناء ﷲ آکھیے جو موجودہ حکومت اسلام آباد پولیس دے مسائل حل کرݨ کیتے ودھ اقدامات کیتن، شہداء اتے ریٹائرڈ پولیس ملازمین دے ہک ارب 24 کروڑ روپے ے واجبات ݙتن، پولیس شہداء دے ٻالاں کوں ملازمتاں دا حق ݙتے، اسلام آباد پولیس دی تنخاہیں پنجاب پولیس دے برابرکیتن، روزانہ الائونس 2800 توں ودھا تے 8 ہزار تئیں کر ݙتے، 25 مئی توں 26 نومبر تئیں پولیس جیڑھے اوکھ دا سامݨا کیتے اے ہک مثال اے، اسلام آباد اچ شہداء ماڈل کالج ٻئے صوبیاں کیتے مثال ہوسی، نیشنل پولیس ہسپتال ساݙھے 6 ارب روپے نال مکمل تھیسی۔ اے ڳالھ انہاں اسلام آباد اچ پولیس لائنز اچ 100 بستراں دے ہسپتال، شہداء ماڈل کالج اتے ایس پی یو اینڈ ڈولفن ہیڈکوارٹرز دا منݙھ ٻدھݨ توں بعد تقریب نال خطاب اچ آکھی۔
