اسلام آباد۔24 مارچ(اے پی پی) وزیراعظم شہباز شریف دی اڳواݨی اچ رمضان پیکج تے عملدرآمد سانڳے جائزہ اجلاس تھئے جیندے اچ وزیراعظم رمضان المبارک اچ غریب اتے مستحق لوکاں کیتے شروع کیتے ڳئے مفت اٹا ونݙݨ دے پروگرام تے عملدرآمد اتے ایں سانڳے مسلیاں اتے شکایات دا جائزہ ڳھدا۔ وزیراعطݨ ہدایت کیتی جو مفت اٹا سکیم کیتے حالی تئین رجسٹرڈ نا تھی سڳݨ آلے لوکاں دی فوری رجسٹریشن کیتی ونڄے جو انہاں کون ویلھے تے ایں سکیم توں فیدہ پڄے اتے مہانڳ دے اثرات توں سوکھ ملے۔ وزیراعظم اکھیا جو پنجاب اتے خیبرپختونخواہ سودھا اسلام آباد دے غریب اتے مستحق لوکاں کوں ایں سہولت دا ہکو سواں فیدہ پچایا ونڄے، اٹا ونݙݨ دے مراکز ودھائے ونڄن جیندے کیتے نادرا اتے بی آئی ایس پی رجسٹریشن کیتے اپݨے کاؤنٹرز ٻݨاون۔ انہاں آکھیا جو مفت اٹا 25 رمضان تئیں ملدا رہسی، حکومت غریباں کوں ودھ توں ودھ سوکھ ݙیوݨ کیتے کوششاں جاری رکھسی۔
