پشاور۔30جنوری (اے پی پی) وزیراعظم محمد شہباز شریف دی لیڈی ریڈنگ ہسپتال اچ ملک سعد شہید پولیس لائنز دی مسیت اچ تھیوݨ آلے دھماکے دے زخمیاں دی عیادت کیتی۔ ایل آر ایچ پڄݨ تے نگراں وزیراعلیٰ اعظم خان، وزیراعظم دے مشیر برائے سیاسی امور انجینئر امیر مقام، آئی جی پی کے پی معظم جاہ انصاری وزیراعظم دا استقبال کیتا۔ وفاقی وزیر دفاع خواجہ محمد آصف، وزیر داخلہ رانا ثناءاللہ خان، وفاقی وزیر اطلاعات و نشریات مریم اورنگزیب اتے صوبائی حکومت دے ٻے حکام وی وزیراعظم نال ہن۔ وزیراعظم ایل آر ایچ دے مختلف وارڈز دا دورہ کیتا اتے زخمیاں دی عیادت کیتی۔ وزیراعظم ہسپتال انتظامیہ کوں ہدایت کیتی جو زخمیاں کوں بہترین طبی سہولتاں ݙتی ونجن۔
