اسلام آباد۔9جون (اے پی پی):اسپیکر قومی اسمبلی سردار ایاز صادق لکی مروت اچ سیکیورٹی فورسز دی گاݙی تے دہشتگرداں دے حملے دی شدید مذمت کریندے ہوئیں حملے دے نتیجے اچ کیپٹن محمد فراز الیاس سودھے 6 نینگراں دی شہادت تے ݙکھ تے افسوس کیتے ۔جاری بیان موجب اسپیکر شہید کیپٹن محمد فراز الیاس اتے ٻئے بہادر نینگراں کوں خراج عقیدت پیش کیتے۔اسپیکر شہداء دے لواحقین نال دلی ہمدردی اتے تعزیت کریندے ہوئیں آکھیے جو بہادر سیکیورٹی نینگراں دیاں قربانیاں ضائع نہ ویسن۔ݙکھ تے ݙکھے ویلھے سیکیورٹی فورسز دے اہلخانہ دے ݙکھ اچ برابر دا شریک ہاں،دہشتگرد انسانیت دے دشمن ہن ۔ اسپیکر قومی اسمبلی آکھیے دہشتگرداں دی بزدلانہ کارروائیاں ملک دے امن کوں سبوتاژ کرݨ دی مذموم سازش اے،دہشتگرد اپݨی مذموم سازش اچ کݙاہیں وی کامیاب نہ تھیسن ۔اسپیکر اللہ تعالیٰ توں شہداء دے درجات دی بلندی اتے لواحقین سانڳے صبر جمیل عطاء فرماوݨ دی دعا کیتی۔
