اسلام آباد۔22مئی(اے پی پی)سپریم کورٹ آئینی بینچ مخصوص نشستاں دے کیس اچ سنی اتحاد کونسل دی بنچ تے اعتراض اتے 26 ویں آئینی ترمیم دے فیصلے تئیں سماعت مؤخر کرݨ دیاں متفرق درخواستاں مسترد کر??تن جݙاں جو کیس دی لائیو اسٹریمنگ دی متفرق درخواست منظور کرڳھدی۔ سپریم کورٹ دے جسٹس امین الدین خان دی سربراہی اچ 11 رکنی آئینی بینچ خمیس کوں مخصوص نشستاں دے فیصلے دے خلاف نظرثانی درخواستاں تے سماعت کیتی۔ سماعت دے دوران 12 جولائی دے فیصلے توں متاثرہ تریمتاں دے ??کی?? مخدوم علی خان سنی اتحاد کونسل دی متفرق درخواستاں تے آپݨے دلائل جاری رکھیندے آکھیے جو آئین دے آرٹیکل 191A اتے پریکٹس اینڈ پروسیجر ایکٹ دی موجودگی اچ ایں بینچ تے 1980 دے رولز دا اطلاق نی تھیندا۔ جسٹس جمال مندو خیل ریمارکس ݙتے جو تساں ݙساؤ سپریم کورٹ دے 1980 دے کیہڑے رولز ن??یں آئینی ترمیم نال مطابقت نی رکھیندے۔ مخدوم علی خان موقف اختیار کیتے جو نظرثانی درخواستاں دی سماعت دی حد تئیں 1980 دے رولز مطابقت نی رکھیندے، نویں آئینی ترمیم اچ آئینی بینچ دے دائرہ اختیار دا تعین کیتا ڳئے، رولز دے تحت نظرثانی تے سماعت پراݨا بنچ کریندا ہئی ، ہݨ 26 ترمیم دے بعد آئینی تشریح دے مقدمات دی نظرثانی آئینی بنچ کریسی، ایں بنچ اچ ججاں دی تعداد دے حوالے نال اعتراض کیتا ڳئے، میݙی نظر اچ اے 11 نی تیرہ رکنی بینچ اے، ایں 13 رکنی بینچ اچوں ست ججاں دی اکثریت نظرثانی تے فیصلہ کریسی۔ مخدوم علی خان آکھیے جو ایں کیس دی براہ راست نشریات دے حوالے نال درخواست دائر کیتی ڳئی، میری صلاح اے ایں عدالت دا فیصلہ ہوسی جو براہ راست نشریات ہوسن یا کائناں، جے عدالت براہ راست نشریات دا فیصلہ کرے وی تاں کوئی اعتراض کائنی۔ تریجھی درخواست ہئی جو 26 ترمیم دے فیصلے تئیں ایں کیس کوں ملتوی کیتا ونڄے، کیہڑا کیس کݙاں لڳݨے اے طے کرݨ ایں عدالت دا اختیار اے، کہیں دی خواہش کائنی، فرض کرو جے عدالت اے درخواست منظور کرتے کیس دی سماعت ملتوی کریندی اے، تاں ولا اے آئینی بنچ 26 ویں ترمیم دے فیصلے تئیں ٻیاں کوئی درخواستاں وی نہ سݨ سڳسی، ایں وانگوں ٻئے کیساں دے درخواست گزار وی ایں خواہش دا اظہار کریسن۔ ??کی?? مخدوم علی خان دے سنی اتحاد کونسل دی متفرق درخواستاں تے دلائل مکمل تھیوݨ دے بعد عدالت فیصلہ سݨا تے سنی اتحاد کونسل دی لائیو سٹریمنگ دے حوالے نال ہک متفرق درخواست منظور جݙاں جو بینچ تے اعتراض اتے 26 ویں آئینی ترمیم کوں پہلے سݨݨ دیاں ݙو درخواستاں مسترد کرݙتن۔ عدالت نظرثانی کیس دی کارروائی دی لائیو سٹریمنگ دا حکم ݙیندے سپریم کورٹ آئی ٹی ڈیپارٹمنٹ کوں لائیو سٹریمنگ دے انتظامات کرݨ دی ہدایت کر ݙتی۔ بعد اچ مخصوص نشستاں تے نظرثانی دیاں درخواستاں تے سماعت 26 مئی تئیں ملتوی کر ݙتی ڳئی
