اسلام آباد۔17اکتوبر(اے پی پی)صدر مملکت آصف علی زرداری نال مسلم ورلڈ لیگ دے سیکرٹری جنرل اتے تنظیم ??لع??ماء دے چیئرمین ڈاکٹر محمد بن عبدالکریم العیسیٰ ایوان صدر اچ ملاقات کیتی۔ انہاں دے نال سعودی عرب دے سفیر نواف بن سعید المالکی، مسلم ورلڈ لیگ دے سیکرٹری جنرل دے مشیر اتے ریجنل ڈائریکٹر سعد مسعود الحارثی اتے مسلم ورلڈ لیگ دے انڈر سیکرٹری قانونی امورعبداللطیف یوسف المطلق وی موجود ہن۔ صدر مملکت آصف علی زرداری ڈاکٹر العیسیٰ دا پاکستان اچ خیرمقدم کریندے خادم الحرمین شریفین شاہ سلمان بن عبدالعزیز اتے ولی عہد شہزادہ محمد بن سلمان کیتے نیک خواہشات دا اظہار کیتا۔ ایوان صدر دے پریس ونگ توں جاری بیان موجب صدر مملکت اتحاد، اعتدال اتے بین المذاہب ہم آہنگی کوں ودھارا ݙیوݨ اچ ڈاکٹر العیسیٰ دی قیادت دی تعریف کیتی اتے دنیا بھر اچ مسلم ورلڈ لیگ دیاں انسانیت نواز اتے تعلیمی اقدامات دی تعریف کیتی۔ ڈاکٹر محمد بن عبدالکریم العیسیٰ آکھیا جو پاکستان سعودی عوام دے دل اچ ہک خاص مقیم رکھیندے اتے ݙوہیں بھرا ملکاں وچال ݙو طرفہ تعلقات ݙینھ و ݙینھ تکڑے تھیندے پئن ۔ انہاں پاکستان اتے سعودی عرب دی دوستی کوں قابل فخر قرار ݙیندے آکھیا جو او صدر مملکت آصف علی زرداری دے سیاسی کردار کوں تسلسل نال ݙیکھدن اتے ایں کوں متاثر کن سمجھدن۔ انہاں شہید محترمہ بینظیر بھٹو دی زندگی اتے ورثے کوں خراج تحسین پیش کریندے انہاں کوں ہک رول ماڈل قرار ݙتا اتے صدر مملکت آصف علی زرداری کوں انہاں دے سیاسی نظریے اتے مشن کوں اڳوں ودھاوݨ دی تعریف کیتی۔ ڈاکٹر محمد بن عبدالکریم العیسیٰ ایں ڳالھ تے وی روشنی پاتی جو پاکستان اتے سعودی عرب وچال اڄوکے دفاعی تعاون دے معاہدے ݙوہیں ملکاں وچال گھاٹے اعتماد اتے سٹریٹجک ہم آہنگی دا اظہار کیتے۔ صدر مملکت آصف علی زرداری انتہا پسندی اتے اسلامو فوبیا دے خلاف مسلم ورلڈ لیگ دیاں کوششاں دی تعریف کیتی اتے سماجی بہبود، تریمتاں دے بااختیار بݨاوݨ اتے تعلیم تے ایں دی توجہ دی تعریف کیتی۔ انہاں مسلم کمیونٹیز اچ چھوہریں دی تعلیم تے ایں س??ل دے آغاز اچ اسلام آباد اچ مسلم ورلڈ لیگ دی میزبانی اچ منعقدہ بین الاقوامی کانفرنس کوں امت مسلمہ دی فکری اتے اخلاقی بنیاد کوں مضبوط بݨاوݨ دے ول ہک اہم قدم قرار ݙتا۔ مسلم ورلڈ لیگ دے نال پاکستان دی شراکت داری دا حوالہ ݙیندے ہوئیں صدر مملکت آکھیا جو اسلام آباد اچ مسلم ورلڈ لیگ دی میزبانی اچ چھوہریں دی تعلیم تے بین الاقوامی کانفرنس قابل تعریف اقدام اے۔ صدر مملکت سیرت النبی ﷺ میوزیم کوں پاکستان اتے مسلم ورلڈ لیگ دے سانجھے احترام اتے عقیدت دی علامت قرار ݙتا۔ صدر آصف علی زرداری پاکستان اتے مسلم ورلڈ لیگ دے وچال مجوزہ معاہدے کوں صحت، تعلیم اتے انسانی ہمدردی دے منصوبیاں کیتے اہم قرار ݙتا۔ مسلم ورلڈ لیگ اتے پاکستان دی وزارت مذہبی امور اتے بین المذاہب ہم آہنگی وچال تجویز کیتے ڳئے معاہدے دا ذکر کریندے صدر مملکت صحت، تعلیم اتے انسانیت دوست امداد جہیں کئ?? شعبیں تے محیط منصوبیں کیتے مربوط نقطہ نظر دی اہمیت تے زور ݙتا۔ صدر آصف علی زرداری حق خودارادیت دی جدوجہد اچ فلسطینی عوام دے نال پاکستان دی حمایت دا اعادہ کیتا۔ صدر آصف علی زرداری آکھیا جو پاکستان کوں س??ودی عرب دے نال تاریخی اتے برادرانہ تعلقات تے ماݨ اے ۔ انہاں س??ودی عرب اتے مسلم ورلڈ لیگ دی زیر قیادت امن کوششاں سودھے شرم الشیخ امن سربراہ کانفرنس اتے غزہ پلان دا خیرمقدم کیتا اتے ایں ڳالھ تے زور ݙتا جو کوئی وی امن اقدام مستقل جنگ بندی، اسرائیلی فوجاں دے نکلݨ اتے غزہ دی تعمیر نو کوں یقینی بݨاون صدر آکھیا جو پاکستان کوں س??ودی عرب دے نال تعلق تاریخی تعلقات تے ماݨ تے تے اتے اے سانجھے عقیدے اتے آپت دے احترام اچ جھکیاں پاڑاں رکھیندن ۔
