لاہور (اے پی پی) وفاقی وزیر غربت مکاؤ و سماجی تحفظ سید عمران احمد شاہ بے نظیر انکم سپورٹ پروگرام (بی آئی ایس پی) دے سنٹرل زونل دفتر لاہور دا دورہ کیتا۔ ایں موقع تے انہاں جاری اقدامات دا جائزہ ڳھدا اتے شفافیت، جوابدہی ات?? موثر سروس ݙیوݨ دے حوالے نال حکومت دے عزم دا اعادہ کیتا۔وفاقی وزیر دے آوݨ تے ڈائریکٹر جنرل بی آئی ایس پی پنجاب محمد ناصر خلیلی شاندار استقبال کیتا۔ ڈی جی بی آئی ایس پی پنجاب صوبے اچ بی آئی ایس پی دیاں سرگرمیاں تے تفصیلی بریفنگ ݙتی۔ انہاں ݙسیا جو بے نظیر کفالت پروگرام دے تحت غیر مشروط مالی امداد ایں ویلھے پنجاب دے تق??یب??ً 47 لکھ مستحق خانداناں کوں ݙتی ویندی پئی اے۔بریفنگ دے دوران مشروط مالی امدادی پروگرام بے نظیر تعلیمی وظائف دی افادیت تے وی روشنی پاتی ڳئی، جیں دے تحت لکھاں ٻالاں دے سکولاں اچ داخلے اتے حاضری کوں یقینی بݨایا ڳئے۔ ایں پروگرام دے آغاز توں ہݨ تئیں پنجاب اچ 82 لکھ توں ودھ ٻالاں دا اندراج ایں پروگرام دے تحت کیتا ڳئے جیڑھا جو پسماندہ طبقیں کیتے تعلیم تئیں رسائی ممکن بݨاوݨ کیتے ہک وݙی پیش رفت اے۔ ایں دے علاوہ بے نظیر نشوونما پروگرام وی اہم کردار ادا کریندا پئے جیڑھا جو حاملہ کھیر پلاوݨ آلیاں تریمتاں اتے شیر خوار ٻالاں دیاں غذائی ضرورتاں پوریاں کرݨ کیتے بݨایا ڳئے اتے ملک اچ غذائی قلت دے خلاف ہک موثر قدم اے۔وفاقی وزیر مستحقین دیاں شکایتاں دے وختی ات?? موثر ازالے دی اہمیت تے زور ݙتا اتے افسراں کوں ہدایت کیتی جو شکایتاں دے اندراج اتے انہاں دے حل دے نظام کوں مزید تکڑا بݨایا ونڄے تاں جو عوام دے مسئلے ترجیحی بنیاداں تے حل کیتے ونڄ سڳن۔ انہاں بی آئی ایس پی پنجاب دی ٹیم دیاں کوششاں دی وی تعریف کیتی۔ وفاقی وزیر نے بے نظیر ہنرمند پروگرام دے ذ??یع?? نوجواناں کوں با اختیار بݨاوݨ دی اہمیت تے وی زور ݙیندے آکھیا جو ہنرمند تکنیکی تربیتی پروگرام دے ذ??یع?? بی آئی ایس پی صرف آپݨے مستحقین کوں ہی نہ بلکہ انہاں دیاں آوݨ آلیاں نسلاں کوں وی با وقار روزگار د?? موقع ݙیوݨ کیتے کوشاں اے تاں جو او معاشی طور تے خود کفیل تھی سڳن۔ایں موقع تے ڈائریکٹر جنرل آرگنائزیشن مینجمنٹ بی آئی ایس پی ہیڈکوارٹرز فواد نواز کیانی، ڈائریکٹر سنٹرل زون وقار النسا، ڈپٹی ڈائریکٹرز اتے اسسٹنٹ ڈائریکٹرز وی موجود ہن۔
