بیجنگ۔6فروری(اے پی پی)وزیر خارجہ مخدوم شاہ محمود قریشی بیجنگ اچ اپݨے چینی ہم منصب سٹیٹ کونسلر وانگ یی نال ملین اتے وزرائے خارجہ دی سطح تے سٹریٹجک مذاکرات دا آندا دور تیکھے کرݨ سودھا ہر سطح تے رابطے تکڑے کرݨ تے اتفاق کیتے۔ انہاں ݙو طرفہ تعلقات، باہمی دلچسپی دے امور، علاقائی و بین الاقوامی معاملیاں تے الایا۔ شاہ محمود قریشی آکھیا جو ݙوہاں ملکاں وچال سٹریٹجک شراکت داری نال امن و خوشحالی ودھاوݨ، خطے اچ امن و استحکام اتے ترقی کیتے رل مل تے ٹرݨ دا فیدہ تھیندا پئے، پاکستان “ون چائینہ پالیسی” سودھا چین دے بنیادی قومی مفادات دی حمایت کریندے، پاکستان اتے چین خطے اچ امن سانڳے پرامن و مستحکم افغانستان کیتے کوششاں جاری رکھسن۔ انہاں سی پیک اتے بی آر آئی فلیگ شپ منصوبے کوں رل تے ٹورݨ دا وی عزم دوہرایا۔
