اسلام آباد۔14جنوری(اے پی پی):وفاقی وزیر اطلاعات ونشریات سینیٹر شبلی فراز آکھیے جو ممنوعہ فنڈنگ اچ ساکوں پھساوݨ آلی اپوزیشن آپ الیکشن کمیشن اچ پھنس ڳئی اے ‘ پی ٹی آئی اپݨے کارکناں اتے خیر خواہاں دے ناں ‘پتہ ‘شناختی کارڈاتے بئے کوائف دی 40ہزار انٹریز تے مشتمل تفصیلات الیکشن کمیشن اچ جمع کراݙتن ‘ اپوزیشن کوں مشورہ اے جو گروپاں دے پیچھوں لوکݨ دی بجائے چپ کرتے الیکشن کمیشن ونڄ تے اپݨی فارن فنڈنگ دی تفصیلات جمع کراون ‘ پی ڈی ایم ناکام تحریک تے تھیسسز لکھےویسن جو اے تحریک ناکام تھئی ‘ پی ڈی ایم دا آخری پتہ الیکشن کمیشن دے سامݨے احتجاج دا اے ‘ 19جولائی الیکشن کمیشن دے سامنے احتجاج ڈھٹائی پن‘ عوام کوں گمراہ اتے اداریاں کوں دبائواچ ڳھن تے آوݨ دی سرگرمی اے ۔ انہاں پی آئی ڈی اچ وفاقی پارلیمانی سیکرٹری ریلوے فرخ حبیب کٹھے پریس کانفرنس نال آلائے۔وفاقی وزیر اطلاعات سینیٹر شبلی فراز آکھیا جو وزیراعظم بہوں پہلے ایں ڳالھ دی پیشن گوئی کیت ہئی جوہئی جو سارے کرپٹ عناصر میرے خلاف ہک تھی ویسن ‘ ہݨ پی ڈی ایم دے ہک ہوݨ تے ٹی وی پروگرام تھیندے پئن۔ انہاں آکھیے جو پی ڈی ایم ماضی دا حصہ بݨ ڳئی اے ‘ پی ڈی ایم دے محرکین “ سارے پتے کھیݙ ڳئن ‘ہر جاہ تے انہاں کوں شکست ‘ ہزیمت اتے رسوائی دے سوا کڄھ نئیں لبھیا ۔ انہاں آکھیا جو فضل الرحمان کوں نوٹس ملا تے آکھیا گئے جو ساری پارٹی نال نیب ویساں‘ انہاں کوں اداریاں دی عزت و تکریم دا پتہ ہی کائنی،مولانا فضل الرحمان آہدن جواو جیں ریاست دا حصہ کائنی او نامکمل اے اے 2021دا لطیفہ دے ۔ انہاں آکھیے جو ماضی اچ حکمراناں ملک کوں اپݨی جاگیر بݨائے ۔ وفاقی پارلیمانی سیکرٹری ریلوے فرخ حبیب آکھیے جو پولیٹیکل پارٹی ایکٹ اتے آئین ساری سیاسی جماعتاں کوں پابند کریندے جو اپݨی پارٹیاں دے اکائونٹس دا ریکارڈ الیکشن کمیشن اچ جمع کراون ‘ پیپلز پارٹی ‘ مسلم لیگ ن اتے جے یو آئی تے وی اے لاگو تھیندے۔ انہاں آکھیا جو مسلم لیگ ن اتے پیپلز پارٹی کیتے الیکشن کمیشن دی سکروٹنی کمیٹی بݨی ہوئی اے ‘کمیٹی دے متعدد اجلاس تھئن تانجو کوئی ریکارڈ یا ثبوت سکروٹنی کمیٹی دے سامݨے نئیں رکھیا ڳئے ۔ انہاں آکھیے جو سیاسی پارٹی دی آمدن ‘خرچہ اتے انہاں دے ذرائع ݙساوݨ لازمی ہن ‘ مسلم لیگ ن اتے پیپلز پارٹی ݙساوے جو انہاں دے پارٹی اکائونٹس اچ فارن فنڈنگ ہنڈی حوالہ یا منی لانڈرنگ دے ذریعے تھئی ۔ ݙوہاں پارٹیاں چار سال دےویلھے اچ الیکشن کمیشن کوں ریکارڈ جمع نئیں کروایا ‘ مسلم لیگ ن 70کروڑ روپے میڈیا دے ناں تے رکھن ‘ݙسایا ونڄےت جو کس اینکر یا میڈیا ہائوس کوں اے پیسے ݙتے گئن ۔انہاں آکھیا جو این آر او لوݨ کیتے قوم دا 60لکھ ڈالر مارک سیگل کوں ݙتا گیا جو آصف زرداری اتے بے نظیر دے لابیسٹ ہن ۔مسلم لیگ ن یو کے اتے یو این اچ لمیٹڈ کمپنی دے طور تے رجسرڈ ہن ‘ مسلم لیگ ن اتے پیپلز پارٹی دی بنیاد ہی فارن فنڈنگ تےتھئی ۔
.jpg)
