واشنگٽن-05 ڊسمبر (اي پي پي) آمريڪي سينيٽر برني سينڊرز، بائيڊن انتظاميه طرفان اسرائيل کي 10.1 بلين ڊالرن جي فوجي امداد فراهم ڪرڻ جي تجويزن جي مخالفت جو اعلان ڪري ڇڏيو. الجزيره مطابق سينيٽر سينيٽ اجلاس دوران پنهنجي خيالن جو اظهار ڪندي چيو ته اسرائيلي وزيراعظم بنجن نيتن ياهو جي حڪومت فلسطينين خلاف جيڪي ڪارروائيون ڪري رهي آهي اها غير اخلاقي ۽ عالمي قانون جي ڀڃڪڙي آهن، ان لاءِ آمريڪا کي ان ڪاررواين ۾ اسرائيل جو ساٿ نه ڏيڻ گهرجي. هن چيو ته آمريڪا طرفان اسرائيل کي فضائي دفاع جي جديد ترين نظام آئرن ڊوم ۽ ڊيوڊز سلنگ ڊفينس سسٽم جي فراهمي سان گڏوگڏ ان جي فوجي هٿيارن جي ذخيرن کي ٻيهر گڏ ڪرڻ سان اسرائيلي وزيراعظم جي حڪومت جي موجوده جارحاڻي فوجي ڪاررواين جي حڪمت عملي جاري رکڻ ۾ مدد ملندي.
