اسلام آباد۔22اکتوبر (اے پی پی) وفاقی وزیر صحت مصطفی کمال آکھیا جو میڈیکل کالجز اچ داخلہ ٹیسٹ کیتے پورے ملک اچ ہکو سویں نصاب تے کَم کیتا ویندا پئے، ایں حوالے نال 6 ہزار سوالاں تے مشتمل ہک بینک بݨایا ڳئے، گزریل سال مارچ توں کَم شروع کیتا ڳیا ہا اتے ہݨ پہلی واری سلیبس کوں مکمل کر تے کامن کر ݙتا ڳئے، ملک بھر اچ میڈیکل کالجز اچ 22 ہزار سیٹاں ہن جݙاں جو ہک لکھ 40 ہزار 200 طالب علماں میڈیکل کالجز اچ داخلے دے ٹیسٹ کیتے رجسٹریشن کرائی اے۔ اے ڳا??ھی?? انہاں پاکستان میڈیکل اینڈ ڈینٹل کونسل (پی ایم ڈی سی) اچ پریس کانفرنس دے دوران کیتے۔ انہاں آکھیا جو ایم ڈی کیٹ دے امتحانات تے ہر سال سوالات چاتے ویندن، ہر صوبے دا میڈیکل سلیبس انڄ ہا ایں تے طالب علم اے شکایت کریندے ہن جو آئوٹ آف سلیبس سوال آ ڳئے۔ پی ایم ڈی سی پاکستان دی تاریخ اچ پہلی واری 6000 سوالاں تے مشتمل کوئسچن بینک بݨائے، ایں سلسلے اچ سارے صوبیاں دی یونیورسٹیاں دے وائس چانسلرز کوں خط لکھے ڳئے۔ انہاں آکھیا جو ہر صوبے کوں ترائے ترائے سوالنامے ݙتے ڳئن۔ اے ہر صوبے دی آپݨی مرضی اے جو او کیہڑا سوالنامہ انہاں طالب علماں کوں ݙیوے۔ انہاں آکھیا جو پاکستان دی تاریخ اچ پہلی واری بہترین امتحان تھیوݨ ویندے پئن، اگر کوئی پرچہ آئوٹ تھیا تاں ایںدا ذمہ وار صوبہ ہوسی۔ انہاں آکھیا جو 140290 طالب علماں رجسٹریشن کروائی اے جئیں اچوں 22 ہزار طالب علماں کوں داخل?? مِلسی۔ انہاں آکھیا جو ملک بھر دے کامن سلیبس کوں ݙیکھ تے سوالات بݨائے ڳئن۔
