اسلام آباد۔19جنوری (اے پی پی):صدر مملکت ڈاکٹر عارف علوی آندے انتخابات منصفانہ اتے شفاف انداز اچ کراوݨ دی لوڑھ تے زور ݙیندے ہوئیں آکھیے جو پاکستان اچ کامیاب جمہوری نظام کوں ودھارا تھیسی ۔اے ڳالھ انہاں منگل کوں گورنر سندھ ، عمران اسماعیل اتے چیف آرگنائزر ، پاکستان تحریک انصاف ، سیف اللہ خان نیازی نال ملاقات کریندیں آکھی یاے ۔ایوان صدر دے پریس ونگ توں جاری بیان موجب ملاقات وچ ملک دی مجموعی سیاسی صورت حال تے آندے انتخابات تے ڳالھ مہاڑ کیتی ڳی ۔ ملاقات اچ گورنر سندھ صدر مملکت کوں کراچی اچ جاری ترقیاتی منصوبیں تے سندھ دی سیاسی صورتحال تے بریفنگ ݙتی ۔صدر مملکت ڈاکٹر عارف علوی آندے انتخابات منصفانہ اتے شفاف انداز اچ کراوݨ تے زور ݙتا ۔ انہاں آکھیے جو شفاف انتخابات تھیوݨ پاروں پاکستان اچ کامیاب جمہوری نظام کوں ودھارا تھیسی ،صدر مملکت کراچی کوں 52 جدید فائر انجݨ دے تحفے تے گورنر سندھ کوں مبارخ ݙتی ۔صدر عارف علوی آکھیے جو نویں فائر انجݨ نال شہر دے فائر ایمرجنسی نظام کوں مزید موثر تے تکھی رفتار بݨاوݨ اچ مدد مل ویسی ۔
