جنیوا۔21اکتوبر (اے پی پی) سپیکر قومی اسمبلی سردار ایاز صادق غزہ اچ جنگ بندی معاہدے دا خیرمقدم اتے ??لس??ینی عوام دے حق خود ارادیت دی غیرمتزلزل حمایت دا اعادہ کریندے ہوئیں آکھیا جو ریاستی خودمختاری دی پامالیاں اتے عالمی اصولاں دی تنزلی تے تشویش اے، پاکستان انسانی ہمدردی دے امور اچ غیرجانبداری اتے آزادی دے اصولاں تے کَم کریندے۔ اے ڳالھیں انہاں منگل کوں جنیوا اچ 151 ویں بین الپارلیمانی اسمبلی نال خطاب کریندیں ہوئیں کیتی۔ سردار ایاز صادق انسانی ہمدردی، انصاف اتے عالمی امن دے فروغ تے زور ݙیندیں ہوئیں آکھیا جو ریاستی خودمختاری دیاں پامالیاں اتے عالمی اصولاں دی تنزلی تے تشویش اے، پاکستان انسانی ہمدردی دے امور اچ غیر جانبداری اتے آزادی دے اصولاں تے کَم کریندے، ??لس??ینی عوام تے گزریل ݙو سالاں دے مظالم انسانی ضمیر کوں ہمیشہ جھنجھوڑدے رہسن۔ انہاں آکھیا جو بھارتی حکومت دی آبادیاتی تبدیلیاں اتے شہری آزادیاں دی کمی تعریف دے لائق کائنی، پاکستان بھارت دی بلا اشتعال جارحیت تے تحمل نال جواب ݙتا، پاکستان امن چاہندے پر آپݨی خودمختاری دے دفاع دا حق محفوظ رکھیندے۔ انہاں دا آکھݨ ہا جو بھارت ولوں سندھ طاس معاہدے دی ہک پاسے دی معطلی علاقائی امن کیتے خطرہ اے۔ انہاں بھارتی حمایت یافتہ فتنہ الخوارج ولوں افغان سرزمین دے پاکستان مخالف استعمال دی مذمت کریندیں ہوئیں آکھیا جو پاکستان دی انسدادِ دہشتگردی دی کارروائیاں شہری تحفظ اتے سرحدی سلامتی کیتے ہن۔ سپیکر آکھیا جو ماحولیاتی تبدیلی اڄوکی انسانی بحران دی شکل اختیار کر ڳئی اے، پاکستان عالمی کاربن اخراج اچ چھوٹا حصہ دار پر شدید موسمیاتی اثرات بھڳتیندا پئے، عالمی برادری منصف??نہ مالی معاونت اتے یکجہتی ݙکھاوے۔ سردار ایاز صادق آکھیا جو پاکستان دی پیش کردہ سلامتی کونسل قرارداد 2788 امن دے فروغ دی علامت اے۔ انہاں آکھیا جو پاکستان سفارتکاری اتے پارلیمانی تعاون دے ذریعے عالمی امن تے یقین رکھیندے۔ واضح راہوے جو سپیکر سردار ایاز صادق جنیوا اچ پارلیمانی وفد دی قیادت کریندے پئن جݙاں جو وفد اچ وفاقی وزیر اعظم نذیر تارڑ، وزیرِ مملکت بیرسٹر عقیل ملک، چوہدری شہباز بابر، ڈاکٹر شرمیلا فاروقی، منیبہ اقبال اتے اعجاز جکھرانی وی شامل ہن۔
